Rego rokok seng saiki soyo larang lan kadang-kadang regone ra masuk akal ndadekke wong-wong seng biasane podo ngrokok saiki njok podo nglinteng. malah saiki wes dadi tren neng ndi-ndi podo nglinteng kabeh, neng kondangan neng acara kumpulan, kadang pas lungan yo sangune lintingan, jare tonggoku ora marem nek ora nglinteng.
Mbako kanggo bahan lintingan rajangane yo ora podo karo seng didol kanggo pabrik, wong-wong do ngarani mbako lembutan, sebab rajangane luweh lembut ora agal utowo gede. regone ugo okeh fariasine/kesenengan, ono seng seneng enteng ududane ono seng seneng seng ampeg. Saiki ora nom ora tuwo wes biasa podo udut lintingan ra koyo mbiyen nek nglinteng jare isen/gengsi.
Coro nglinteng yo sederhana gampang banget (kanggo seng wes biasa). Sepisan yo nggowo garet banjur mbakone di jumput sak cukupe, bar kuwi di wur-wur ke'i cengkeh banjur dilinteng seng kalis, lintingan siap diudud.
